Հակառակորդի կուրուստները հոկտեմբերի 2-ի՝ 12։00-ի դրությամբ
- * 1750 զոհ
- * 10 ուղղաթիռ Ми- 24
- * 107 ԱԹՍ, այդ թվում՝ հարվածային, որից՝ 17 երեկ
- * 205 տանկ և ՀՄՄ
- * 5 ինքնաթիռ СУ-25
- * 1 Սմերչ
Արցախա-ադրբեջանական հակամարտության գոտում հոկտեմբերի 1-ի լույս 2-ի գիշերվա ընթացքում իրադրությունը եղել է հարաբերական կայուն-լարված:
«Արմենպրես»-ի հաղորդմամբ՝ այս մասին մամուլի ասուլիսին ասաց ԱՀ պաշտպանության բանակի հրամանատարի տեղակալ Արթուր Սարգսյանը:
«Առանձին ուղղություններում շարունակվել են փոխհրաձգությունները՝ կիրառելով ինքնաթիռներ, ուղղաթիռներ, ծանր հրանետեր: Օպերատիվ-մարտավարական իրադրությունում էական փոփոխություններ չեն արձանագրվել: Այս պահին ճակատային գծի բոլոր ուղղություններում վերսկսել են մարտական գործողությունները: ՊԲ ստորաբաժանումները շարունակում են կասեցնել հակառակորդի բոլոր գրոհները՝ պատճառելով կենդանի ուժի և զինտեխնիկայի կորուստներ»,- նշեց Սարգսյանը:
Հակառակորդը կորցրել է ևս 39 զրահատեխնիկա, 4 Սու-25 ինքնաթիռներ, 3 ՄԻ-24 ուղղաթիռ (ինքնաթիռների և ուղղաթիռների մասին հոկտեմբերի 1-ին հայտարարվել էր), 17 ԱԹՍ և շուրջ 830 կենդանի ուժի կորուստ: Նրա խոսքով՝ ոչնչացվել է նաև հրետանային դիվիզիոն:
