Պատերազմի չորրորդ օրը հակառակորդը շարունակում է իր մարտավարությունը՝ ներգրավելով ռազմատեխնիկական նոր միջոցներ, օգտագործելով Թուրքիայի ռազմաօդային ուժերին պատկանող կործանիչները:
Հյուսիսային ուղղությամբ հակառակորդն անցել է լայնածավալ հարձակողական գործողությունների, իսկ Վարդենիսին հասցված հարվածներից հետո Հայաստանի Հանրապետության որևէ այլ հատվածում գործողություններ չեն ընթացել։
Ինչպես ավելի վաղ հայտնել էինք, ԱՀ պաշտպանության բանակի ստորաբաժանումներից մեկը հակագրոհ է իրականացնում՝ գրավելով ադրբեջանական մարտական դիրքը, որին զուգահեռ հրետանին ոչնչացնում է հակառակորդի մարտական տեխնիկան
Ինչպես ավելի վաղ հայտնել էինք, օրվա ընթացքում ճակատային գծի բոլոր ուղղություններում շարունակվել են մարտական գործողությունները:
ՊԲ առաջապահ ստորաբաժանումները իրենց հմուտ գործողություններով շարունակում են կործանիչ հարվածներ հասցնել նախահարձակ թշնամուն, ինչի արդյունքում հակառակորդը կորցրել է <<Սմերչ>> և <<Ուրագան>> տիպի համազարկային կրակի ռեակտիվ կայանքներ, տասնյակ այլ հրետանային ու հակատանկային միջոցներ:h
Հյուսիսային և հարավային ուղղություններում հակառակորդը կորցրել է 1-ական <<ՏՕՍ 1>> տիպի հրանետ, 11 տանկ, 3 ՀՄՄ և 6 զրահափոխադրիչ:
Մինչ այս պահը օրվա զարգացումների ժամանակագրությունը՝ ներկայացվող տեսանյութում: