«Հովազ 1» դիրքի ավագը ազգությամբ եզդի է: ՀՀ ՊՆ ներկայացուցիչ Արծրուն Հովհաննիսյանը իր ֆեյսբուքյան էջում հրապարակել է «Հովազ 1» դիրքի ավագի անուն ազգանունը:
«Սմոյան Հայկ Կարենի «Հովազ 1» դիրքի ավագ։ Մնացածը հետո»,- գրել է նա:
Ավելի վաղ Արծրուն Հովհաննիսյանը գրել էր, որ «Հովազ 1» դիրքի ավագի սխրանքն ու գրագիտությունը պիտի մտնի Հայոց պատմության դասագրքեր։
Ինչպես ավելի վաղ հայտնել էինք, օրվա ընթացքում մարտերը շարունակվել են արցախա-ադրբեջանական հակամարտ զորքերի շփման գծի ողջ երկայնքով: Հատկապես թեժ են եղել մարտերը հյուսիսային և հարավային ուղղություններում:
Այս մասին սեպտեմբերի 29-ին հրավիրված մամուլի ասուլիսի ընթացքում ասաց ՀՀ Պաշտպանության նախարարության ներկայացուցիչ Արծրուն Հովհաննիսյանը:
Նրա խոսքերով՝ Արցախի նկատմամբ Ադրբեջանի սանձազերծած լայնածավալ ռազմական գործողությունների ընթացքում հայկական կողմը ոչնչացրել է հակառակորդի 790 զինծառայողի, որոնցից 180-ը` Արցախի Քարվաճառի շրջանի ուղղությամբ:
«Ադրբեջանական կողմն ունի 1900 վիրավոր, խոցվել է 137 տանկ և զրահատեխնիկա, 72 ԱԹՍ, 7 ուղղաթիռ և 1 ինքնաթիռ»,- հավելել է Արծրուն Հովհաննիսյանը:
