Ռուսաստանի դեղատներում COVID-19-ի բուժման համար «Ավիֆավիր» դեղամիջոցը կարժենա մոտ 8000 ռուբլի, ասել է Ռուսաստանի ուղիղ ներդրումների հիմնադրամի ղեկավար Կիրիլ Դմիտրիևը:
«Մենք դիտավորյալ մի փոքր հետաձգեցինք մեր մուտքը դեղատներ, որպեսզի ավելի մատչելի գին ապահովենք»,- ասել է նա մամուլի ասուլիսում:
Ինչպես տեղեկությունը փոխանցում է ShantNews.am-ը, դրանից բացի Դմիտրևը հավելել է, որ հետագայում «Ավիֆավիրի» գինը կարող է իջնել: Հնարավոր է նաև, որ այն ներառվի կենսական կարևորության դեղամիջոցների ցուցակում:
«Ավիֆավիրը», որի մշակմանը մասնակցել է Ռուսաստանի ուղիղ ներդրումների հիմնադրամը, մայիսի վերջին առողջապահության նախարարությունից ստացել է գրանցման վկայական և դարձել է կորոնավիրուսի դեմ աշխարհում առաջին դեղամիջոցը, որը պարունակում է ֆաֆիպիրավիր ակտիվ բաղադրիչ:
