Ճապոնական Mitsubishi Motors կոնցեռնը պատրաստվում է մինչև ֆինանսական տարվա ավարտը դադարեցնել i-MiEV էլեկտրամոբիլների արտադրությունը։ Հաղորդում է NHK հեռուստաընկերությունը։
Այս որոշման հիմնական պատճառը i-MiEV էլեկտրամոբիլների քիչ վաճառքն է և ընկերության ճգնաժամային վիճակը։
Արտադրության նախնական շրջանում i-MiEV-ը վաճառվել 50 հազար օրինակով։ Էլեկտրամոբիլի գինը մի շարք երկրներում տատանվում էր 40-50 հազար դոլարի սահմաններում։
Այժմ կոնցեռնը նպատակադրված է կրճատել ծախսերը շուրջ 935 միլիոն դոլարով։ Նմանատիպ պատճառաբանությամբ ավելի վաղ Mitsubishi Motors-ը դադարեցրել էր Pajero ամենագնացի արտադրությունը։
