ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը ֆեյսբուքյան իր էջում գրել է.
«Գործընկերներիս՝ ԱԺ պատգամավորներ Նիկոլայ Բաղդասարյանի, Նարեկ Զեյնալյանի և իմ կողմից շրջանառության մեջ դրված Վարչական իրավախախտումների վերաբերյալ ՀՀ օրենսգրքում լրացումներ կատարելու մասին և «Լիցենզավորման մասին» օրենքում լրացումներ կատարելու մասին օրենքների նախագծերն ընդունվեցին ամբողջությամբ։ Նոր իրավակարգավորումների համատեքստում Կառավարությանը ենթակա Առողջապահական և աշխատանքի տեսչական մարմնին վերապահվել է կարևոր լիազորություն՝ վերահսկողություն իրականացնելու դեղատների լիցենզավորման ենթակա և նախկինում կարգավորման չենթակված գործունեության նկատմամբ՝ նպաստելով բնակչության առողջապահության ոլորտում անվտանգության ապահովման բարձրացմանը:
Բացի այդ, նախագծի ընդունման արդյունքում խաչմերուկների հարակից տարածքում գտնվող դեղատների կանաչ խաչ նշանը կտեղադրվի այնպես, որպեսզի բացառվի վարորդների կողմից լուսացույցի կանաչ լույս նշանի հետ շփոթելու վտանգը, ինչը, իր հերթին, կնպաստի ավտոճանապարհատրանսպորտային պատահարների քանակի նվազեցմանը»:
ՕՐԵՆՔՆ ԸՆԴՈւՆՎԵՑԳործընկերներիս՝ ԱԺ պատգամավորներ Նիկոլայ Բաղդասարյանի, Նարեկ Զեյնալյանի և իմ կողմից շրջանառության մեջ…
Posted by Մխիթար Հայրապետյան / Mkhitar Hayrapetyan on Thursday, 17 September 2020
