ՀՀ Արտաքաին գործերի նախարարությունը ներկայացրել է հատվածներ` ԱԳ նախարար Զոհրաբ Մնացականյանի` եգիպտական «Nile TV» հեռուստաընկերությանը տրված հարցազրույցից:
Զոհրաբ Մնացականյանը նշել է, որ հայ-ադրբեջանական սահմանին սանձազերծված шգրեսիшն շատ լուրջ մարտահրավեր էր խաղաղ գործընթացին և տարածաշրջանում կայունությանը:
«Աշխարհի բոլոր երկրները շատ զգույշ են եղել՝ չխթանելու էսկալացիայի հետագա սրացումը, և միայն Թուրքիան էր, որ ցուցաբերում էր շատ միակողմանի մոտեցում: Մենք ականատես ենք եղել Ադրբեջանում Թուրքիայի ռազմական ներկայության տարրերի, լուրեր ենք ստանում օտարերկրյա ահաբեկիչ զինյալների հավաքագրման և մեր տարածաշրջան փոխադրվելու մասին: Ուստի մենք չենք կարող անտարբեր լինել ապակայունացման և шգրեսիվ այս քաղաքականության նկատմամբ, որը ողջունելի չէ:
Կրոնական երկխոսությունը, փոխադարձ հարգանքը, միասին ապրելու կարողությունը, քաղաքակրթությունների երկխոսությունը Եգիպտոսի հետ մեր երկկողմ օրակարգի կարևոր մասն են: Հանդուրժողականության, փոքրամասնությունների և կրոնական երկխոսության պաշտպանության խթանումը, փոխադարձ հարգանքը մեր արտաքին քաղաքականության առաջնահերություններից են»,- ասել է նա:
