Այսօր տեղի ունեցավ Թումոյի թվով 3-րդ միջազգային կենտրոնի պաշտոնական բացումը: Genome Ventures ընկերության հետ համագործակցության շնորհիվ` Մոսկվայի պատանիները նույնպես կստանան Թումոյի կրթական ծրագրին ծանոթանալու և ամենաժամանակակից ոլորտներում հմտանալու հնարավորություն:
Դասերը Թումո Մոսկվայում կմեկնարկեն հոկտեմբերին, իսկ դրանց հետ կապված բոլոր մանրամասներին կարող եք ծանոթանալ tumomoscow կայքից:
Թումո կենտրոնը բացվել է 2011 թվականին Երևանում: Հայաստանում այժմ գործում է 4 Թումո կենտրոն` Երևանում, Դիլիջանում, Գյումրիում և Ստեփանակերտում: Հայաստանից դուրս կա 2 միջազգային կենտրոն Փարիզում և Բեյրութում: Առաջիկայում ծրագրվում է բացել կենտրոններ Կողբում, Մասիսում, իսկ արտերկրում` Կալիֆոռնիայիում, Տոկիոյում, Տիրանայում և Նուր-Սուլթանում:
2017 թվականին հիմնադրվել է Թումոյի ևս մեկ ծրագիր` Թումո ստուդիաները (TUMO Studios): Այն շահույթ չհետապնդող նախագիծ է, որը մասնագիտացված է անալոգային արտադրանք ստեղծելու վրա: Ստուդիաները նախատեսված է 16-28 տարեկան երիտասարդ մասնագետների համար, որոնք կարող են այստեղ հմտանալ կավագործության, ոսկերչության, նորաձևության, ասեղնագործության, խոհարարության ևշատ այլ ոլորտներում:
