Սենթ Լուիսում Վաշինգտոնի համալսարանի բժշկական դպրոցի գիտնականները ստեղծել են պատվաստանյութ SARS-CoV-2 վիրուսի դեմ: Այն կարելի է ընդունել քթի միջով: Մկների վրա դեղամիջոցի փորձարկումը ցույց է տվել, որ այն ավելի արդյունավետ է վարակի կանխարգելման համար, քան սովորական ներարկումները: Այս մասին հաղորդվում է Cell ամսագրում հրապարակված հոդվածում:
Հետազոտողները պարզել են, որ պատվաստանյութը քթի մեջ մտցնելն առաջացնում է ուժեղ իմունային պատասխան ամբողջ օրգանիզմում, բայց ամենամեծ պաշտպանությունը ձևավորվում է քթի խոռոչում և շնչուղիներում: Թեստի արդյունքները ցույց են տվել, որ կրծողների մոտ զարգանում է ստերիլիզացնող իմունիտետ, երբ օրգանիզմ վիրուսի ներթափանցումից հետո վարակի նշաններ չեն լինում:
Պատվաստանյութի մշակման ընթացքում գիտնականներն S-սպիտակուցը, որը մասնակցում է առողջ բջիջների կորոնավիրուսով վարակմանը, տեղադրել են ադենովիրուսի մեջ, որն առաջացնում է սովորական մրսածություն: Այդ նպատակով ադենովիրուսը անվնաս է դարձել, որպեսզի S- սպիտակուցին տեղափոխի քթի խոռոչ: S-սպիտակուցի մեջ ներդրվել են լրացուցիչ մուտացիաներ, որոնք նպաստում են հակամարմինների ակտիվ ձևավորմանը:
Հետազոտողները համեմատել են պատվաստանյութեր, որոնք ներմուծվել են մկների օրգանիզմ երկու եղանակով՝ քթի միջով և ներմկանային ճանապարհով: Թեպետ ներարկումն առաջացրել է իմունային պատասխան, որը կանխում է թոքաբորբը, այն, միևնույն է, չի կանխել քթի և թոքի մեջ եղած վարակը: Նման պատվաստանյութը կարող է նվազեցնել COVID-19- ի ծանր ընթացքը, բայց դա չի կարող խանգարել այլ մարդկանց վարակի փոխանցմանը: Քթի պատվաստանյութը խանգարում է, որ կորոնավիրուսը բազմանա վերին շնչուղիների շրջանում: Այնուամենայնիվ, անհրաժեշտ են հետագա փորձարկումներ, ներառյալ մարդկանց վրա:
