Յարոսլավլի բազմաբնակարանային շենքերից մեկում փլուզումը տեղի է ունեցել 3-5-րդ հարկերում, զոհվել է մեկ կին, հաղորդում է ՌԻԱ Նովոստի-ն։
Ավելի վաղ հաղորդվել էր, որ Բատովի փողոցի №5 շենքի բնակարաններից մեկում տեղի է ունեցել գազի պայթյուն, կատարվում է տարհանում։ Փրկարարների հաղորդմամբ՝ զոհվել է մեկ, տուժել՝ երեք մարդ։
«Դեպքի վայր ժամանելուց հետո պարզվել է, որ բնակելի 9-հարկանի շենքում տեղի է ունեցել փլուզում 3-5-րդ հարկերի շրջանում։ Շենքի բնակիչները տարհանվում են։ Կա երեք տուժած։ Մեկ կին մահացել է»,-հայտնել են Յարոսլավլի շրջանի ԱԻՆ-ի գլխավոր վարչությունից։
Հաղորդվում է, որ փլատակների տակ կարող է գտնվել կին եւ երեխա։ Ավելի քան 60 մարդ է տարհանվել, շենքում գրանցված է 342 բնակիչ։
