Ընդհատակում գտնվելու ժամանակ Նիկոլ Փաշինյանը թաքնված էր իմ կնոջ մայրական տանը:
Այս մասին «Ազատություն» ռադիոկայանի հետ զրույցում հայտնեց «Իմ քայլը» դաշինքով պատգամավոր ընտրված Ալեն Սիմոնյանը:
«Երբ ես և Նիկոլ Փաշինյանը ծանոթացել ենք, նա եղել է ընդհատակում, և ինչ-որ պահ կար, որ պետք է ինքը հանձնվեր, և պետք էր դա աներ այնպես, որ ընթացքում իրեն չբռնեն:
Մենք նկարահանեցինք տեսանյութ, որտեղ Նիկոլ Փաշինյանը պատմեց, որ ցանկանում է քիչ անց լքել ընդհատակյա տարածքը, և տեսանյութը տեղադրեցինք, հետո ես իմ մեքենայով մոտեցա ընդհատակին:
Նիկոլ Փաշինյանը թաքնված էր իմ կնոջ մայրական տանը, ես նրան տեսա, և նա ասաց՝«Բարև Ձեզ, ես Նիկոլ Փաշինյանն եմ… երբ նա բանտից դուրս եկավ, մեր ընկերությունը կրկին շարունակվեց»,- նշեց Ալեն Սիմոնյանը:
