Ռաֆայել Երանոսյան (հուլիսի 25, 1981, Լենուղի, Արմավիրի մարզ, Հայաստան), հայ դերասան և կինոդերասան, հումորիստ, շոումեն: Հանդես է գալիս հիմնականում հումորային ժանրում:
Ծնվել է 1981 թվականի հուլիսի 25-ին Արմավիրի մարզի Լենուղի գյուղում: 2006 թվականին ավարտել է «Հայֆիլմ» կինոստուդիային կից դերասանի ստուդիան և աշխատել Երևանի Կամերային թատրոնում՝ որպես դերասան: 2007 թվականին նկարահանվել է «Քրմուհին» ֆիլմում, իսկ 2011 թվականին «Ալա Բալա Նիցա» ֆիլմում և այլ ֆիլմերում:
2007-2010 թվականներին նկարահանվել է «Կարգին հաղորդում», 2010-2013 թվականներին «Կարգին սերիալ», իսկ 2013 թվականին՝ «No comment» հումորային նախագծերում և հոլովակներում:
Ռադիոյում վարել է «Բարի առավոտ» հաղորդումը: Խաղացել է «Կաբառե», «Արմմագեդոն», «Նազար, Նազար, մինչև վերջ» և այլ ներկայացումներում: 2011 թվականից նկարահանվել է «Արմենիա» հեռուստաընկերության «32 ատամ» հումորային նախագծում` որպես դերասան:
