Ադրբեջանի գլխավոր համաճարակաբան Իբադուլլա Աղաեւը հրաժարվել է զբաղեցրած պաշտոնից: Մի քանի օր առաջ նա լրատվամիջոցներից մեկին ասել էր, որ գտնվում է գյուղում, ներկա է հարազատներից մեկի թաղմանը եւ չի հետեւում երկրում համավարակային իրավիճակին:
Աղաեւն ասել է, որ գլխավոր համաճարակաբանի պարտականությունները կատարում էր հասարակական հիմունքներով եւ աշխատանքից ազատվելու դիմում գրել է առանց կողմնակի միջամտության:
Ինչպես ավելի վաղ հայտտնել էինք, Հայաստանում հուլիսի 8-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 29820 դեպք, որոնցից 17427-ն` առողջացած, 521-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11708 պացիենտ: Ընդհանուր առմամբ կատարվել է 127171 թեստավորում:
Այսպիսով` ունենք կորոնավիրուսային հիվանդությամբ հաստատված 535 նոր դեպք և 520 առողջացած։
Մահվան դեպքերի վերաբերյալ հայտնում ենք, որ պացիենտները եղել են 68 (տղամարդ), 71 (տղամարդ), 84 (կին), 78 (կին), 34 (կին), 93 (կին), 83 (կին), 39 (կին), 71 (տղամարդ), 68 (տղամարդ), 78 (տղամարդ), 75 (տղամարդ), 68 (տղամարդ), 54 (կին), 73 (տղամարդ), 75 (տղամարդ), 82 (տղամարդ) և 70 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ։
