Հ1-ի եթերում գլխավոր բանավեճի ժամանակ «Լուսավոր Հայաստան» կուսակցության նախագահ Էդմոն Մարուքյանը ԲՀԿ նախագահ Գագիկ Ծառուկյանին հարց ուղղեց, որով ուշագրավ բանավեճ ծավալվեց՝ որոշ ակնարկներով:
Էդմոն Մարուքյան — Պարոն Ծառուկյանը փակել էր քաղաքական էջը և հետ դարձավ, երբ «Ելք» դաշինքը լուրջ պատրաստվել էր ընտրությունների և կարող էր լուրջ դերակատարում ունենալ: Դա չստացվեց, և երկրորդ քաղաքական միավորը եղավ «Ծառուկյան» դաշինքը: 2000-ականներից միշտ եղել է երկրորդ քաղաքական միավորը:
Նոր քաղաքական համակարգում գործարարության, բիզնեսի տարանջատումը քաղաքականությունից լինելո՞ւ է, թե՝ չէ: Մենք բիզնեսը պաշտպանելու ենք, ես պատրաստ եմ ցանկացած գործարարի պաշտպանել: Ի՞նչ կարիք կա մտնել Խորհրդարան:
Գագուկ Ծառուկյան — Քո հարցին հաճույքով պատասխանեմ: Ես պաշտպանվելու կարիք չունեմ, դու պաշտպանի քեզ, քո կուսակիցներին, քեզ հովանավորողներին: Պարոն Ծառուկյանը քաղաքականության մեջ մտել է ոչ թե որոշ քաղաքական ուժերի ես պաշտոնի գնալու, ճանաչում ունենալու համար, այլ զրոյից սկսել է: Ես աեն ինչ ունեմ, հասել եմ աշխատանքով, սովորական աշխատողի ընտանիքից: Ցանկացած իմ քայլ, պարոն Մարուքյան, ես անում եմ, որ զարգացած երկիր լինի:
