Կորոնավիրուսային հիվանդության նոր պիկն այժմ նկատվում է որոշ երկրներում, բայց դա հիվանդության երկրորդ ալիք չէ: Այս մասին ՄԱԿ-ի Ժնևի գրասենյակում օտարերկրյա թղթակիցների ասոցիացիայի ճեպազրույցի ժամանակ ասել է ԱՀԿ-ի արտակարգ իրավիճակների և առողջապահության ոլորտի ծրագրի տնօրեն Մայքլ Ռայանը:
«Վստահություն չկա, որ կլինի երկրորդ ալիք: Սա գիտական ենթադրություն է, որը հիմնված է այն ամենի վրա, ինչ մենք գիտենք կորոնավիրուսների և շնչառական վարակների մասին:
Այն, ինչ կատարվում է այժմ շատ երկրներում, երկրորդ ալիք չէ: Սա առաջին ալիքի երկրորդ գագաթնակետն է, որտեղ «Վիրուսը բավարար չի ճնշվել, որպեսզի նույն ժամանակահատվածում հնարավոր չլիներդրա փոխանցումը:
Եվ մենք կարող ենք հայտնվել այնպիսի իրավիճակում, երբ մենք կունենանք վիրուսի բարձր էնդեմիկություն կամ հիվանդացության մշտական մակարդակ, հնարավոր է նույնիսկ ավելի բարձր, քան կցանկանայինք»,-ասել է նա:
Նրա խոսքով ՝ հիվանդության երկրորդ ալիքի հեռանկարները հիմնված են այն ընկալման վրա, որ դա շնչառական վարակ է: Իսկ դրանք կախված են մարդկանց սեզոնային տեղաշարժերից և արագ տարածվում են մարդկանց սերտ խմբերի մոտ և ավելի ցածր ջերմաստիճանի պայմաններում:
