«Դիմակի որակյալ կրումը դեռ խնդիր է…». ԿԳՄՍ նախարարը լուսանկար է հրապարակել

ԿԳՄՍ նախարար Արայիկ Հարությունյանը քննարկան կենտրոներից մեկից լուսանկար է հրապարակել՝ գրելով.

«Քննություն Հայաստանի ֆիզիկական կուլտուրայի և սպորտի պետական ինստիտուտում: Հերթը շատ լավ կարգավորված է, վատ է, որ դիմակի որակյալ կրումը դեռ խնդիր է»:

Ինչպես ավելի վաղ հայտնել էինք, հուլիսի 3-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 27320 դեպք, որոնցից 15484-ն` առողջացած, 469-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11211 պացիենտ: Ընդհանուր առմամբ կատարվել է 118102 թեստավորում:

Այսպիսով` ունենք կորոնավիրուսային հիվանդությամբ հաստատված 662 նոր դեպք և 448 առողջացած։

Մահվան դեպքերի վերաբերյալ հայտնում ենք, որ պացիենտները եղել են 56 (տղամարդ), 74 (կին), 80 (տղամարդ), 83 (տղամարդ), 66 (տղամարդ), 69 (տղամարդ), 61 (տղամարդ), 82 (տղամարդ), 81 (կին) և 62 (տղամարդ) տարեկան։ Բացի վերջինից, մնացած բոլորն ունեցել են ուղեկցող քրոնիկական հիվանդություններ։

Նախորդ օրն արձանագրվել է մահվան 3 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 156 է:

Loading

Մի մոռացեք կիսվել Ձեր ընկերների հետ