Գույքահարկի մասին օրենքի նախագիծը իր հերթին մի շարք հարցեր է առաջ բերում:
Araratnews.am լրատվականը շարունակում է վերհանել հանրությանը հուզող հարցերը, գտնել դրանց պատասխաններն ու ներկայացնել ընթերցողներին:
Այս օրերին մարդկանց հուզող հարցերից է, թե ինչպես են գույքահարկ վճարելու այն քաղաքացիները, որոնք անշարժ գույք ձեռք են բերել հիպոթեքով, բայց դեռ չեն մարել վարկը:
Այսօր ՀՀ կառավարության մամուլի կենտրոնում հրավիրված ասուլիսի ժամանակ հարցին ի պատասխան՝ ՀՀ ԱԺ տնտեսական հարցերի մշտական հանձնաժողովի նախագահ Բաբկեն Թունյանն ասաց, որ հիպոթեքով ձեռք բերված բնակարանը համարվում է քաղաքացու սեփականությունը:
«Հետևաբար՝ քաղաքացին, մյուս բոլոր քաղաքացիների նման, պետք է վճարի գույքահարկը`սահմանված կարգով»,- ասաց պատգամավորը:
Իմքայլական պատգամավորը նշեց նաև, որ հիպոթեքով բնակարանի գնման դեպքում մարդը ունի վարկային պարտավորություններ, իսկ գույքահարկը վարկային պարտավորությունների հետ աղերս չունի:
