Ժանեթը և Գրեմ Ուոլտոնը շատ էին ցանկանում զավակներ ունենալ: Սակայն երեխաներ ունենալու նրանց բնականոն ցանկությունը շուտով վերածվեց իրական փորձության։Մի շարք փորձություններ հաղթահարելուց հետո Ժանեթը վերջապես հղիացել էր։
Հղիության լուրն իմանալուն պես, նրանք կարծես յոթերորդ երկնքում լինեին: Ամուսինները անհամբերությամբ սպասում էին իրենց առաջնեկի ծնվելուն:Սակայն հղիության ութերորդ շաբաթում, նրանց անակնկալ էր սպասվում: Պարզվեց, որ նրանք ունենալու են ոչ թե մեկ, այլ՝ միանգամից 6 երեխա:
Ժանեթն ու Գրեմը շատ զարմացան լուրը լսելով: Զույգն այսքան շատ երեխաներ չէր պլանավորել, այն էլ միանգամից:
1983 թ. նոյեմբերի 18-ին, հղիության 31-րդ շաբաթում, Ժանեթը ծնեց վեց առողջ աղջիկ: Երեխաները ծնվեցին Անգլիայի Լիվերպուլ քաղաքի հիվանդանոցներից մեկում, և դարձան աշխարհի առաջին վեցնյակը:
