MediNews-ի ունեցած տեղեկություններով՝ ԲՀԿ-ական մեծ թվով պատգամավորներ վարակված են կորոնավիրուսով:
Նրանցից են Իվետա Տոնոյանը, Արման Աբովյանը, Կարիեն Պողոսյանը, Արթուր Գրիգորյանը, Ջանիբեկ Հայրապետյանը: Նրանց վիճակն, ըստ մեզ հասած տեղեկությունների, ծանր է:
Հիշեցնենք, որ 2 օր առաջ դրական էր էր եկել ԲՀԿ-ական ԱԺ փոխխոսնակ Վահե Էնֆիաջյանի թեստի պատասխանը:
Հավելենք, որ հունիսի 25-ին՝ ժամը 11:00-ի դրությամբ, հաստատվել է կորոնավիրուսային հիվանդության ընդհանուր 22488 դեպք, որոնցից 11335-ը` առողջացած, 397-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 10625 պացիենտ: Ընդհանուր առմամբ կատարվել է 102736 թեստավորում:
Այսպիսով` ունենք կորոնավիրուսային հիվանդությամբ հաստատված 771 նոր դեպք և 538 առողջացած։
Մահվան դեպքերի վերաբերյալ հայտնում ենք, որ պացիենտները եղել են 69 (տղամարդ), 60 (տղամարդ), 61 (տղամարդ), 90 (կին), 46 (կին), 44 (կին), 61 (տղամարդ), 71 (կին), 74 (կին), 67 (տղամարդ) և 66 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։
Նախորդ օրն արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 131 է:
