Արմեն Սարգսյան (հունիսի 23, 1953, Երևան, Հայկական ԽՍՀ, ԽՍՀՄ), Հայաստանի գործող նախագահ[1], Հայաստանի Հանրապետության նախկին վարչապետ, քաղաքական գործիչ, Մեծ Բրիտանիայում Հայաստանի նախկին դեսպան, Ռազմավարական հետազոտությունների միջազգային ինստիտուտի և Բրիտանական աստղագիտական ընկերության անդամ, Համահայկական ակադեմիական և գիտական ընկերության պատվավոր անդամ, ֆիզիկամաթեմատիկական գիտությունների թեկնածու, խոշոր բիզնեսմեն։
ՀՀ վարչապետ 1996 թվականի դեկտեմբերից մինչև 1997 թվականի փետրվար։ ՀՀ արտակարգ և լիազոր դեսպան (1993 թվականից)։2018 թվականի հունվարին գործող նախագահ Սերժ Սարգսյանի կողմից առաջադրվել է որպես ՀՀ չորրորդ նախագահի թեկնածու ՀՀԿ-ի կողմից։
2018 թվականի մարտի 2-ին ՀՀ Խորհրդարանի կողմից ընտրվել է Հայաստանի Հանրապետության 4-րդ նախագահ[3]։ Պաշտոնը ստանձնել է նույն թվականի ապրիլի 9-ին:
