Ինչպես է կորոնավիրուսը ներթափանցում ուղեղի մեջ

COVID-19 հիվանդություն առաջացնող SARS-CoV-2 կորոնավիրուսը ուղեղի մեջ ներթափանցում է նեյրոպիլին-1 սպիտակուցի միջոցով։ Այս մասին տեղեկացվում է նոր հետազոտության մեջ, որը հրապարակվել է վերատպումների bioRxiv գրադարանում։

Ինչպես հայտնում է lenta.ru-ն, COVID-19-ից մահացած պացիենտի դիահերձումը ցույց է տվել, որ նեյրոպիլին-1 բջջային սպիտակուցը (NRP1) ուղեղի մեջ կորոնավիրուսի ներթափանցման պատճառն է։ Մահացած պացիենտի հոտառության էպիթելերում եւ մազարմատներում հայտնաբերել են SARS-CoV-2-ով վարակված բջիջներ։ Հետազոտության հեղինակները եկել են այն եզրակացության, որ կորոնավիրուսը չի բազմանում ուղեղի բջիջներում, սակայն կարող է նպաստել դրանց մահվանը։

Մկների վրա արված փորձը հաստատել է գիտնականների հիպոթեզը՝ վիրուսի ներդրման ինտրաքթային միջոցի օգնությամբ նրանց հաջողվել է լաբորատոր պայմաններում COVID-19-ով վարակել փորձարկվող կենդանիներին։

Հետազոտողների խոսքերով՝ օրգանիզմի մեջ ներթափանցելու համար կորոնավիրուսը օգտագործում է նեյրոպիլին-1 եւ ACE-2 բջջային սպիտակուցները։ Վերջին բաղադրիչի օգնությամբ վիրուսի մասնիկները կպչում են վերին շնչուղիներին, որտեղ էլ սկսում են բազմացման գործընթացը։

Գիտնականների խոսքերով՝ արված եզրակացությունները կօգնեն մահացու հիվանդության դեմ պատվաստանյութեր ստեղծել։