ՀՀ վարչապետ Նիկոլ Փաշինյանն այսօր պարետատան նիստից հետո ունեցած ճեպազրույցի ժամանակ նշեց՝ կորոնավիրուսի տարածման տեմպերով հատել ենք այն եզրը, որից այն կողմ դժոխային իրավիճակ է: Նա նաև ներկայացրեց այն քայլերը, որոնք պետք է ձեռնարկի ՀՀ կառավարությունը:
Հիշեցնենք, որ հունիսի 6-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 12364 դեպք, որոնցից 3720-ն` առողջացած, 190-ը` մահվան ելքով:
Կորոնավիրուսային հիվանդությամբ այս պահին փաստացի բուժում է ստանում 8385 պացիենտ: Ընդհանուր առմամբ կատարվել է 66674 թեստավորում:Այսպիսով` ունենք կորոնավիրուսային հիվանդությամբ հաստատված 547 նոր դեպք և 207 առողջացած։
Մահվան դեպքերի վերաբերյալ հայտնում ենք, որ պացիենտները եղել են 70 (կին), 92 (կին), 82 (կին), 62 (տղամարդ), 82 (տղամարդ), 66 (տղամարդ), 56 (կին) տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ։
