«Գորգիսյանը իրականությունից կտրվել է: Երևի իրենց բոյկոտը ազդել է նաև Գորգիսյանի մտածողության վրա: Ընդամենը երեկ Բակո Սահակյանի հարցաշարը ես փոխանցել եմ իրեն»,- արձագանքելով ճեպազրույցում «Լուսավոր Հայաստան» խմբակցության քարտուղար Գևորգ Գորգիսյանի հնչեցրած մեղադրանքներին՝ «Առաջին լրատվական»-ի հետ զրույցում ասաց Ապրիլյան պատերազմի հանգամանքներն ուսումնասիրող քննիչ հանձնաժողովի նախագահ Անդրանիկ Քոչարյանը:
Ինչ վերաբերում է ընդդիմության նկատմամբ վերաբերմունքին, Անդրանիկ Քոչարյանը հիշեցրեց, որ ԱԺ-ում երկու ընդդիմադիր ուժ կա, և «Բարգավաճ Հայաստանի» ներկայացուցիչները բարեխղճորեն մասնակցել են բոլոր նիստերին. «Այնպես որ, պարոն Գորգիսյանը հերթական անգամ սադրիչ ձևակերպում է անում և ստում է»:
