Շատ հիվանդանոցներ խորհուրդ չեն տալիս 22 շաբաթականից շուտ ծնված երեխաներին վերակենդանացնել՝ նրանց ապրելու փոքր հավանականության պատճառով:
Բայց Լայլան այն եզակիներից է, որ մեզ հետ է։410 գրամ կշռով ծնված աշխարհի ամենաթերհաս գեղեցկուհին նշեց իր 4-ամյակը: Լայլա Սթեսրուդը ծնվել է 2014 թվականին, 21 շաբաթականում:
Մինչդեռ 22 շաբաթականում ծնված երեխաների ապրելու հավանականությունը կազմում է 23 տոկոս, ընդ որում նրանց 2/3-ը հետագայում նյարդային համակարգի զարգացման արատներ չեն ունենում:
Սակայն փոքրիկի մայրը՝ Քորթնին որոշել է պայքարել դստեր կյանքի համար։
Լայլան դարձել է աշխարհի ամենաթերհաս երեխան, որին հաջողվել է ապրել:
Նա գազավորված հյութով շշի քաշ ուներ՝ 410 գրամ՝ իսկ հասակը չէր գերազանցում 25,4 սմ-ն: Ծնվելուց անմիջապես հետո փոքրիկ Լայլային ինտենսիվ թերապիայի բաժանմունք են տարել:
Փոքրիկը 56 օր միացված էր թոքերի արհեստական օդափոխության սարքին. այն հաջողվել է հանել միայն երրորդ փորձից հետո:Երեխային միայն 126 օր անց են դուրս գրել հիվանդանոցից, երբ նրա քաշը 2,2 կգ էր դարձել:
Այժմ Լայլայի մոտ միայն խոսքի ուշացում է նկատվում: Այլ ցուցանիշներով նա լիովին առողջ երեխա է:
