ԱԺ նախկին նախագահ Գալուստ Սահակյանի որդին՝ Արման Սահակյանը, ներգրավվել է որպես մեղադրյալ Քննչական կոմիտեի վարույթում քննվող քրեական գործով: Այս մասին NEWS.am-ին հայտնեց ՀՀ ՔԿ մամուլի քարտուղար Ռիմա Եգանյանը:
«Արման Սահակյանը մի քանի այլ անձանց հետ Երևանի դպրոցներից մեկին կից հողակտորի օտարման հետ կապված քրեական գործի շրջանակում ներգրավվել է որպես մեղադրյալ: Նախաքննությունը շարունակվում է»,- ասաց Եգանյանը:
Արման Սահակյանը 2011-2018թթ.–ին զբաղեցրել է Կառավարությանն առընթեր պետական գույքի կառավարման վարչության պետի պաշտոնը։
