Աշխարհն այսօր սուր ճգնաժամ է ապրում կորոնավիրուսի համավարակի պատճառով. հայտարարել է ԽՍՀՄ նախկին նախագահ Միխայիլ Գորբաչովը՝ նշելով, որ պետությունների քաղաքականության մեջ այժմ առաջնային պետք է լինի մարդու անվտանգությունը և մոլորակի յուրաքանչյուր բնակչի համար կյանքի պայմաններ ստեղծելը:
Նախկին նախագահը նշել է, որ այդ ֆոնին այսօր շատ մեծ է կրոնական առաջնորդների դերը և ցանկություն կա հուսալու, որ նրանք կկարողանան դրսևորել այդ պատասխանատվությունը, հետևելով նաև նախկին Հռոմի պապ Հովհաննես Պողոս 2-րդ-ի օրինակին, որը «շարունակում է մնալ մեր ժամանակակիցը»:
«Աշխարհը ոչ հեշտ ժամանակներ է ապրում: Նա ցանկացած մարդու, նամանավանդ քաղաքական գործիչներին հատուկ պահանջներ է ներկայացնում: Մեծ և պատասխանատու է նաև կրոնական առաջնորդների դերը: Ցանկանում եմ հուսալ, որ նրանք կկարողանան դրսևորել այդ պատասխանատվությունը` հետևելով Հովհաննես Պողոս 2-րդ պապի ոգեշնչող օրինակին: Նա այսօր էլ մնում է մեր ժամանակակիցը»,-գրել է Գորբաչովը:
