Մի գնա» երգ հայերեն և անգլերեն լեզուներով հայազգի դիջեյ Սուպեր Սաքոյի (Սարգիս Բալասանյան) կատարմամբ, վոկալի հեղինակ՝ ռաբիս երգիչ Սպիտակցի Հայկո (Հայկ Ղևոնդյան):
«Մի գնա» երգի բառերի հեղինակն է Արտակ Արամյանը,[1] որ նաև հայտնվել է Սուպեր Սաքոյի 2016 թվականի Love Crimes ալբոմում: Երգը YouTube-ում ներբեռնվել է 2016 թվականի օգոստոսի 17-ին, դարձել հայտնի հիթ Հայաստանում, հայկական սփյուռքում, Մերձավոր Արևելքում և աշխարհի տարբեր երկրներում:
Բուն յութուբյան տեսանյութը 2018 թվականի օգոստոսի դրությամբ գրանցել է ավելի քան 174 մլն դիտում:
Երգը ենթարկվել է մեծ թվով ռեմիքսների, ադապտացիաների, այդ թվում տարբեր լեզուներով՝ ալբաներեն, արաբերեն, բուլղարերեն, հոլանդերեն, ֆրանսերեն, գերմաներեն, եբրայերեն, քրդերեն, ռումիներեն, ռուսերեն և թուրքերեն:
