Հայաստանի երեք նախկին վարչապետները՝ Կարեն Կարապետյանը, Վազգեն Մանուկյանն ու Խոսրով Հարությունյանը, նաև Արցախի նախկին վարչապետ Անուշավան Դանիելյանն այսօր ներկայացել են ընդհանուր իրավասության դատարանի Շենգավիթի նստավայր:
Հիշեցնենք, որ ՀՀ երկրորդ նախագահի դեմ հարուցված քրեական գործով պաշտպանական խումբը դատարանին միջնորդել է փոխել ամբաստանյալ Ռոբերտ Քոչարյանի խափանման միջոց կալանքը՝ հիմք ընդունելով չորս նախկին վարչապետների անձնական գրավոր երաշխավորությունը:
Դատավոր Աննա Դանիբեկյանը պարզաբանել է երաշխավորների իրավունքներն ու պարտականությունները՝ համաձայն ՀՀ Քրեական դատավարության օրենսգրքի: Ըստ օրենքի՝ երաշխավորները վճարում են 500 000 ական դրամ, և եթե ամբաստանյալի խափանման միջոց կալանքը փոխվում է, և վերջինս խոչընդոտում է դատական նիտերին կամ թաքնվում քննությունից, երաշխավորների վճարած գումարն անցնում է պետական բյուջե:
