«Վանեցյանը ինչ-որ գործընթացների մեջ է ներքաշված եղել, նա պետք է հարցաքննվի»․ Անդրանիկ Քոչարյան
Автор:Meri
Եթե նախկին փախածները կարողանում էին Հայաստանի սահմանը հատել, այս պարագայում Գուրգեն Խաչատրյանը չի կարողացել ՀՀ սահմանը հատել: Այս մասին նշեց ԱԺ «Իմ քայլը» խմբակցության պատգամավոր Անդրանիկ Քոչարյանը:
«Փախչելը շատ վատ բան է հատկապես այն պարագայում, երբ Գուրգեն Խաչատրյանը շատ լավ ծանոթ է մեղադրանքի ծավալին, և հետո ինքը տեքստ տարածեց, որ չի պատրաստվում դառնալ կալանավոր: Էդ դեպքում՝ գոնե գրեր, թե ինչ է պատրաստվում դառնալ, որպեսզի նախաքննական մարմինն էլ քրեական օրենսգրքով իր ցանկություններին համարժեք որևէ այլ հոդված գտներ: Սա ծիծաղելի է, որովհետև սա շրունակվում է: Սրանից առաջ էլ Հայաստանի սահմանը հատած նախկին գլխավոր դատախազ Գևորգ Կոստանյանն էլ այլ ձևաչափ էր առաջարկում նախաքննական մարմնի հետ աշխատելու՝ լրագրողների մասնակցությամբ և միտինգային ձևաչափով»,-ասաց Քոչարյանը:
Նա նկատեց, որ պետք է շարժվել մեղադրանքին համահունչ քրեական օրենսգրքի հոդվածներով և իրենք պարտավոր են ներկայանալ նախաքննական մարմնին:
«Կալանք կիրառելու դատարանի որոշումն այս դեպքում՝ ավելի հիմնավորված եղավ, որովհետև իրենց այս քայլը հնարավորություն չի տալիս, որ իրենց բարձր վարձատրվող փաստաբանները այլ խափանման միջոցի հնարավորությամբ դիմեն դատարանին»,-ընդգծեց «Իմ քայլի» պատգամավորը:
