ԿԳՄՍ փոխնախարար Ժաննա Անդրեասյանը ֆեյսբուքյան իր էջում գրել է. «Երեկ նախարարը հնչեցրեց որոշ մանրամասներ, որոնք կարևոր են.
- եթե տվյալ առարկայից երկրորդ կիսամյակում՝ մինչև մարտի 13-ը, սովորողը չունի գնահատական, տարին ամփոփվում է առաջին կիսամյակի արդյունքով.
- եթե ունի մեկ գնահատական նույն ժամանակահատվածում՝ սովորողի ցանկությամբ ամփոփվում է առաջին կիսամյակի արդյունքով, եթե այդ մեկ գնահատականը երկրորդ կիսամյակի ընթացքում ավելի բարձր է, դա հիմք կվերցվի սովորողի ցանկությամբ.
- եթե տարեկանի ամփոփման համար ստացվող միջինացված գնահատականը պարունակում է ամբողջ թիվ և առնվազն մեկ նիշ ավել՝ միջինացումը կարվի հօգուտ սովորողի, օրինակ՝ 6,1-ի դեպքում՝ տարեկանը կամփոփվի 7 և համանման մյուս դեպքերում.
- տարեկան 1-3 միավորային գնահատական ունենալու պարագայում, անկախ առարկաների քանակից, ուսուցիչը կկազմի այդ սովորողի համար անհատական ուսուցման պլան՝ յուրացնելու համար բաց թողնվածը և հեռավար եղանակով կկազմակերպվի վերաքննություն՝ մինչև հունիսի հինգը, որպեսզի բոլոր սովորողներն այս դեպքում ստանան փոխադրվելու հնարավորություն.
- մեդալի հավակնորդներին հնարավորություն կտրվի մասնակցել քննությունների և ստանալ մեդալը, մանրամասները լրացուցիչ կհայտնենք»:
երեկ նախարարը հնչեցրեց որոշ մանրամասներ, որոնք կարևոր են.📌եթե տվյալ առարկայից երկրորդ կիսամյակում՝ մինչև մարտի 13-ը, …
Posted by Zhanna Andreasyan on Thursday, April 30, 2020
