Կորոնավիրուսով վարակված և մահից հազիվ փրկված չինացի բժիշկները, հիվանդության ծանր փուլից հետո ուշքի գալով, պարզել են, որ իրենց մաշկը մգացել է։ Այս մասին հայտնել է Daily Mail պարբերականը։
«Սարսափել էի, երբ գիտակցության եկա ու պարզեցի իմ առողջական վիճակը»,- ասել է բժիշկներից մեկը։
Բժիշկներ Յու Ֆանն ու Հու Վեյֆենգը կորոնավիրուսով վարակվել էին հունվարին։ Նրանց մաշկի գույնի փոփոխությունը կապված է հորմոնալ խանգարումով, որը կորոնավիրուսի պատճառով լյարդի վնասման հետևանք է:
Հիշեցնենք, որ ՀՀ ԱՆ Հիվանդությունների վերահսկման և կանխարգելման ազգային կենտրոնից հայտնում են, որ ապրիլի 25-ի ժամը 11։00-ի դրությամբ՝ Հայաստանում հաստատվել է կորոնավիրուսով վարակման 81 նոր դեպք։ Հաստատված դեպքերի ընդհանուր թիվը հասել է 1677-ի։
Ապաքինվել է 75 մարդ, ընդհանուր՝ 803 պացիենտ։ Ներկայում բուժում ստացողների թիվը 846 է։
Մինչ օրս գրանցվել է մահվան 28 դեպք։
Ընդհանուր անցկացվել է 17342 թեստ։