Ռումբա` կուբայական պար, որի արմատները, սակայն, գալիս են Աֆրիկայից: Ռումբայի բնորոշ առանձնահատկություններից է կրքոտ ճկուն շարժումները` համակցված լայն քայլերով:Ռումբան ձևավորվել է Հավանայում, տասնիններոդ դարում և սկզբնական շրջանում համակցված է եղել եվրոպական կոնտրդանսի հետ:
Պարը մարդկության հնագույն լեզուներից է, ինքնաարտահայտման լավագույն միջոցը: Պարելիս խոսում ենք մարմնով ու հոգով, և ջնջվում են բոլոր սահմանները մեր միջեւ: Այս յուրահատուկ լեզվով կարելի է արտահայտել ամենաթաքուն մտքերն անգամ, զգացմունքները, ցանկությունները, այն ամենը, ինչը գուցե երբեք չէիք համարձակվի ասել բառերով:
