Պաշտպանության բանակի մամուլի ծառայության փոխանցմամբ, Արցախի ազատամարտիկների միությունը ապրիլի 18-ին հերթական նվիրատվությունն է կատարել ՊԲ-ին:
Այս անգամ Արցախի ազատամարտիկների միությունը, վարչության որոշման համաձայն, Պաշտպանության բանակին է փոխանցել պահածոյացված պարենամթերքի մեծ խմբաքանակ՝ նոր կորոնավիրուսի դեմ պայքարի ծրագրային գործընթացներին աջակցելու համար:
Ազատամարտիկների միության ներկայացուցիչների հավաստմամբ՝ առաջիկայում ևս միությունը հանդես կգա բանակին ուղղված նման և այլ բնույթի նախաձեռնություններով:
Այդ մասին հայտնում են Արցախի տեղեկատվական շտաբից։
ℹ️ Պաշտպանության բանակի մամուլի ծառայության փոխանցմամբ, Արցախի ազատամարտիկների միությունը ապրիլի 18-ին հերթական…
Posted by Արցախ / Տեղեկատվական շտաբ on Saturday, April 18, 2020
