Կորոնավիրուսով վարակված առաջին մարդն աշխատել է Ուհանի վիրուսաբանության լաբորատորիայում, հայտնում է Fox New-ը՝ հղում անելով աղբյուրների, որոնք իբրև թե տեղյակ են Չինաստանի կողմից՝ կորոնավիրուսի առաջացման գործով «ապացույցները» թաքցնելու մասին։
Այդուհանդերձ, նշվում է, որ լաբորատորիան չի պատրաստվել կենսաբանական զենք ստեղծել, այլ պարզապես ուսումնասիրել է վիրուսները։
Ապրիլի 5-ին բրիտանական ԶԼՄ-ները, հղում անելով հետախուզությանը, հայտնել էին, որ կորոնավիրուսի համավարակը կարող էր սկիզբ առած լինել չինական Ուհանի լաբորատորիայից՝ անվտանգության տեխնիկան չպահպանելու պատճառով։
Պեկինը հերքում է մեղադրանքները։
