Ես իմ ծնողներին արդեն մոտ 20 օր չեմ տեսել:
Այս մասին այսօր «Ֆեյսբուքյան ասուլիս»-ի եթերում ասաց Առողջապահության նախարար Արսեն Թորոսյան:
Թորոսյանի խոսքով, որքան էլ, որ տարեց կամ խրոնիկական հիվանդություններ ունեցողները հարազատ լինեն մեզ համար, պետք է սահմանափակել նրանց հետ շփումը, որպեսզի առավելագույնս նրանք պաշտպանված լինեն:
«Ես նրանց հետ շփվում եմ տեսակապի միջոցով և դա միայն նրանց պաշտպանության համար է արվում»,- ասաց նախարարը:
Թորոսյանը նաև հորդորեց գանգատների դեպքում դիմել բժշկի, որպեսզի արդեն մասնագետները հասկանան, թե այդ գանգատները որքանով են կապված կորոնավիրուսի հետ:
