Կորոնավիրուսի մահացության նոր ռեկորդային ցուցանիշ Միացյալ Նահանգներում: Վերջին 24 ժամվա ընթացքում մահացել է ավելի քան 2 հազար մարդ՝ գրում է BBC-ն: COVID-19 վարակի վիճակագրության մասին տեղեկությունները հաղորդում է Ջոնս Հոփքինս համալսարանը:
Միացյալ Նահանգներում վարակվածների թիվը գերազանցում է կես միլիոնը: Մտավախություն կա, որ այս երկիրը մահացության ցուցանիշով կգերազանցի Իտալիային, որը զոհերի թվով առաջատարն է աշխարհում: Թեպետ Սպիտակ տան փորձագետները նշում են, որ կորոնավիրուսի համավարակը սկսում է թուլանալ:
Միաժամանակ, ԱՄՆ նախագահ Դոնալդ Թրամփը հայտնել է, որ ամենայն հավանականությամբ Միացյալ Նահանգներում մահացության դեպքերը շատ ավելի քիչ կլինեն իր՝ նախապես կանխատեսած 100 հազարից:
