Բեռլինում քաղաքապետարանի աշխատակից Շտեֆան Ֆոն Դասսելը ասել է, որ մնացել է կորոնավիրուսով վարակված ընկերուհու մոտ, որպեսզի վերջինս միայնակ չտխրի, և ինքն էլ վարակվել է նույն հիվանդությամբ, հաղորդում է Deutsche Welle-ն:
Միտտե շրջանի ղեկավարը պատմել է, որ սիրեցյալը վերդարձել է Շվեյցարիայից 2 շաբաթ առաջ։ Նա վատառողջ է եղել և դիմել է բժշկի: Ախտորոշել են կորոնավիրուս և ուղարկել տուն՝ բուժվելու:
Քանի որ Դասելն ու սիրեցյալը համատեղ կյանք են վարում, Դասելը որոշել է մնալ տանը, որպեսզի կինը միայնակ չլինի: Դասսելը հատուկ պաշտպանիչ միջոցներ չի օգտագործել, քանի որ վստահ է եղել, որ միևնույն է՝ վարակվելու է: Ավելին՝ նա մտադրվել է հիվանդանալ, որպեսզի շուտ լավանա: 3 օր անց շհայտնվել են առաջին նախանշանները՝ չոր հազ, ջերմություն, գլխացավ և դժվարաշնչություն:
«Ես հիմա լուրջ եմ վերաբերվում հիվանդությանը, հասկանում եմ, որ շատերի համար այն կարող է մահացու լինել»,- ասել է Դասսելը:
Քաղաքական գործիչն աշխատում է տնից, աշխատակիցների հետ կապը պահում է հեռախոսով և էլեկտրոնային փոստով:
Հիշեցնենք՝ կորոնավիրուսը փոխանցվում է օդակաթիլային ճանապարհով, այն աննշան կաթիլների միջոցով, որոնք դուրս են գալիս հիվանդի քթից և բերանից՝ հազի և փռշտոցի ժամանակ, մնում տաբեր առարկաների վրա: ԱՀԿ-ը հորդորում է հիվանդներից ավելի քան 1 մետր հեռավորություն պահպանել, կանոնավոր և հաճախակի լվացվել, 70 տոկոսանոց սպիրտով ախտահանել ձեռքերն ու մակերեսները, ձեռքերով չհպվել դեմքին, աչքերին և քթին:
