Ֆիլիպինների կառավարությունը, հետևելով նոր տեսակի կորոնավիրուսի համավարակի դեմ պայքարող մյուս պետությունների օրինակին, բնակչությանը տանը մնալու խիստ կարգադրություն է տվել: Սակայն բոլորը չէ, որ հետևում են կարգադրությանն ու տանն են մնում:
Օրինակ՝ մի ֆիլիպինցի տղամարդ անընդհատ բակ փախչող չարաճճի որդուն տանը պահելու նպատակով որոշել է նրան այնպիսի սանրվածք անել, որ երեխան ամաչի փողոց դուրս գալ:
Արտասովոր սանրվածքով լացող տղայի լուսանկարներն արագորեն տարածվել են համացանցում՝ հավաքելով հազարավոր մեկնաբանություններ: Ավելի քան 60 000 մարդ կիսվել է դրանցով։ Մեկնաբանողների մի մասի կարծիքով՝ երեխայի անվտանգության մասին մտածելը ճիշտ է, սակայն այս դեպքում հայրն ակնհայտ չափն անցել է:
Լուսանկարներում երևում է, որ հայրը գլխի մեջտեղի մասն ամբողջովին սափրել է:
Նշվում է, որ լուսանկարները համացանցում հրապարակել է տղայի ավագ քույրը:
