Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան: Այս մասին իր ֆեյսբուքյան էջում գրել է ՀՀ առողջապահության նախարարի խոսնակ Ալինա Նիկողոսյանը:
Հիշեցնենք` ավելի վաղ վրացական կայքերը գրել էին, թե վարչապետ Նիկոլ Փաշինյանի անվտանգության աշխատակիցը հոսպիտալացվել է կորոնավիրուսի կասկածով:
Նշվում էր, որ ՀՀ վարչապետի անվտանգության ծառայության աշխատակիցներից մեկի մոտ եղել է բարձր ջերմություն և կորոնավիրուսով վարակման ախտանշաններ: Հավելվում էր, որ նրան անմիջապես ուղարկել են Երևանի ինֆեկցիոն հիվանդանոց:
Ավելի վաղ տեղեկացրել էինք՝ վարչապետ Նիկոլ Փաշինյանը մարտի 3-4-ը պաշտոնական այցի շրջանակներում գտնվում էր Վրաստանի Հանրապետությունում: Այն վարչապետի՝ թվով 2-րդ պաշտոնական այցն էր հարևան երկիր:
Հայաստանում այս պահին կորոնավիրուսի հաստատված 1 դեպք կա: Տղամարդը Երևան էր ժամանել Թեհրանից: Այս պահին նա և օդանավում եղած մնացյալ 30 անձինք գտնվում են կարանտինում՝ Ծաղկաձորի «Գոլդեն Փելիս» հյուրանոցային համալիրում: Նրանք իրենց լավ են զգում:
Վրաստանում մարտի 4-ի ժամը 17.03-ի տվյալներով՝ 3 կորոնավիրուսակիր կա:
Վարչապետ Նիկոլ Փաշինյանի անվտանգության աշխատակցի մոտ կորոնավիրուսի կասկածներ չկան: Վերջինս վատառողջ է եղել, անցել է որոշակի հետազոտութուններ և այժմ իրեն լավ է զգում:
Posted by Alina Nikoghosyan on Wednesday, March 4, 2020
