Ժողովուրդն արդեն հաղթել է և մենք ոչ ներքին, ոչ էլ արտաքին թշնամուն տալու հայրենիք չունենք․․․

Անցյալում բարերարներով, հերոսներով, կեղծ հայրենասերներով ենք շրջապատված եղել

Ոչի դեսպանները նոր Հայաստանում պրպտումների մեջ են, կարծես թե իրենց տեղը չեն գտնում և տպավորություն է, թե իրենք էլ չեն հասկանում ինչ են ուզում, ումից են ուզում, ինչքան են ուզում: Տպավորություն է, թե նրանք պատրաստվում են հերթական պարտությանն ու բնականաբար նրանց այդ հարցում իր անշահախդիր աջակցությունը կցուցաբերի հայ ժողովուրդը:

Հերթական անգամ ծախսվում է հայ ժողովրդի թանկ ժամանակը և պատասխանն ակնհայտ է: Մենք դժվարությամբ ձեռք բերած իշխանություն չունենք նախկիններին վերադարձնելու: Վերջին խորհրդարանական ընտրություններին ժողովուրդն իր ձայնը տվել է Նիկոլ Փաշինյանին, ժողովուրդը նոր Հայաստան է կերտում Փաշինյանի աջակցությամբ և բնականաբար իր ԱՅՈ-ն ասելով, նա կնքելու է հերթական հաղթանակը:

Վերլուծելով իրավիճակը հասկանում ենք, որ դրանից է կախված մեր «Այոն» կամ «Ոչը»: Ոչականների բանակը բավականին նոսր է, և նրանք առաջնորդվում են ևս մի փոքր գումար վաստակելու տրամաբանությամբ, որն էլ ավելի է թուլացնում ու նսեմացնում նրանց դիրքերը հասարակության աչքերում:

Թե ի՞նչ հարց է լուծում այս հանրաքվեն, պատասխանը պարզ է. ազատվե՞լ ներկայիս սահմանադրական դատարանի անդամներից կամ դատավորներից:
Նորանշանակները պարտավոր են լինելու ծառայել ներկայիս իշխող համակարգին, որն ավելի ընդունելի է, քան ներկայիս դատավորների կազմը:
Այսօր մենք ունենք ժողովրդի վստահությունը վայելող իշխանություն և մենք չպետք է թույլ տանք, որ վաղը ներքին խարդավանքների արդյունքում ինչ-որ ուժեր խարխլեն մեր հաղթանակած ազատությունը և մենք կրկին չհայտնվենք ստրուկների կարգավիճակում:

Թավշյա, անարյուն հեղափոխության արդյունքում ժողովրդին մի կերպ հաջողվեց ցրել խորհրդարանը, իսկ այսօր ժողովուրդը կանգնած է սահմանադրական դատարանը լուծարելու առջև և կրկին իրավական առումով համարյա նույն խնդիրներն են ի հայտ եկել և որևէ ցանկություն չունենք վերադառնալ խեղաթյուրված սկզբնաղբյուրին:
Նախկինները պատերազմ են հայտարարել հայ ժողովրդի դեմ և հասկանալի չէ թե ինչ ակնկալիքներ կամ հույսեր են փայփայում: Նրանք երևի չեն հասկանում, որ իրավական երկրում իշխանության բոլոր ճյուղերը միմյանցից պետք է անկախ լինեն, իսկ այս հանրաքվեի արդյունքները միանշանակ լինելու են ի շահ ժողովրդի: Կարծում եք այս ամենը չեն հասկանում իրենց ընդիմադիր հռչակած նախկիններն ու խորհրդարանում գտնվող ոչի դեսպանները, իհարկե հասկանում են, սակայն նրանց հրամայված է շարունակել շոուն և նրանք խաղում են ըստ սցենարի:

Նախկին իշխանության կողմնակիցները շարունակում են հերոսացնել Հրայր Թովմասյանին, հույս ունենալով, որ ոչի հաղթանակի դեպքում չի բացահայտվի և կկարճվի մարտի մեկի գործն ու նմանատիպ այլ գործեր, որոնք ամեն օր չպլանավորված ջրի երես են դուրս գալիս:

Չմոռանանք, որ վերջին տասնամյակներում ՀՀ-ում տիրում էր իբրև ձայների մեծամասնությամբ ընդունված մշակութային կեղծ օրակարգ: Անցյալում բարերարներով, հերոսներով, կեղծ հայրենասերներով ենք շրջապատված եղել: Այսօր հայ ժողովուրդն արդեն գիտակցում է, որ ինքը հաղթել է և այդ հաղթանակը ևս մեկ անգամ ամրապնդելու համար պարտավոր ենք ապրիլի հինգին ասել մեր ԱՅՈ-ն և հերթական անգամ նախկիններին ցույց տալ մեր ուժը, գուցե դրանից հետո նրանք վերջնականապես ընդունեն իրենց պարտությունը և հանգիստ թողնեն հայ ժողովրդին: Ժողովուրդն արդեն հաղթել է և մենք ոչ ներքին, ոչ էլ արտաքին թշնամուն տալու հայրենիք չունենք: Քիչ մնաց….