Գագիկ Ջհանգիրյանի դիտարկմամբ՝ ՀՀ Սահմանադրությունը կաղում է երկու ոտքից: «Սահմանադրությունը դարձրել են դոգմա, որի մեջ հնարավոր չէ փոփոխություն անել, միայն կարելի է մեկնաբանել, և փաստորեն ժողովուրդը, որին պատկանում է իշխանությունը, զրկված է Սահմանադրության մեջ փոփոխություն կատարելու իրավունքից»:
«Գործող Սահմանադրությունը խոտան է, բազմաթիվ խոցելի տեղեր ունի»,- ընդգծեց Գ. Ջհանգիրյանը՝ հույս հայտնելով, որ սահմանադրական բարեփոխումների հանձնաժողովն իր աշխատանքի ընթացքում կանդրադառնա նաև այդ խոցելի խնդիրներին:
«Գաղտնիք չէ, որ հայտնի քրեական գործի հետ կապված՝ Սահմանադրական դատարանը դարձել է վերջին հույսն ու հավատը, և որը ինչ-որ իքս պահի պետք է որոշում կայացնի: Կարծում եմ՝ սա է խնդիրը: Եվ շատ լավ հասկանում են, որ այդ հույսը գնալով մշուշոտ է դառնում»,- նշեց մեր զրուցակիցը՝ անդրադառնալով հարցին, թե ինչու է նախկին իշխանության համար այդքան կարևոր ՍԴ-ում իրենց մարդկանց պահելը:
Նյութի աղբյուր՝ Առաջին Լրատվական