«ԲՀԿ-ն մշտապես կողմ է եղել հանրաքվեին, բայց մենք չենք կարող մասնակցել իրավական խնդիրներ ունեցող այս գործընթացին»,- ԲՀԿ քաղաքական խորհրդի նիստից հետո լրագրողների հետ զրույցում ասաց ԲՀԿ փոխնախագահ Նաիրա Զոհրաբյանը՝ հայտարարելով, որ ԲՀԿ-ն չի մասնակցելու սահմանադրական հանրաքվեի գործընթացին։
Նա նշեց, որ ԲՀԿ-ի կարծիքով՝ պետք է փակել սև-սպիտակի բաժանարար էջը և լծվել երկրի բարգավաճման գործին։
«Մենք փորձեցինք խորհրդարանում այս հարցը բերել իրավական դաշտ, բայց մեր գործընկերները պնդեցին, որ դա, այո՛, քաղաքական գործընթաց է»,֊ ասել է ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։
