Թաթուլ Ֆրունզիկի Ավոյան (ծն.՝ նոյեմբերի 1, 1964, Երևան), հայ երգիչ։ Կատարում է ռաբիզ ժանրի երգեր։ Հայտնի է դարձել «Դառնացել է այս աշխարհը» և «Սրտի բանալի» երգերի շնորհիվ։
Մեծացել է երաժիշտների ընտանիքում։ Նրա հայրը՝ Ֆրունզ Ավոյանը եղել է ռաբիզ ժանրի ամենաառաջին երգիչներից մեկը, իսկ եղբայրները՝ Աշոտը, Սամվելը և Սերոբը եղել են երաժիշտներ։Ավարտել է Երևանի Ռոմանոս Մելիքյանի անվան երաժշտական ուսումնարանը:
Կրթվել է փողային գործիքների մասնագիտությամբ։ Հայտնի երգերն են՝ «Դառնացել է այս աշխարը», «Խաչին մոտ», «Մայրիկ», «Քեֆ-քեֆ», «Ջան Հայաստան», «Պապիկ եմ դարձել», «Իմ ախպերս», «Աստղերը վառ երկնքում», «Սրտի բանալի» և այլ երգեր։ Ելույթներ է ունեցել մի շարք երկրներում (Ռուսաստան, Հունաստան, ԱՄՆ և այլն):
