Փետրվարի 3-ին կայքում հայտնվել է Երևան համայնքի կարիքների համար ավտոբուսների գնման ծանուցումը:
Համաձայն ավտոբուսների գնման ծանուցման հայտարարության.
Պատվիրատուն մտադիր է նշված ծրագրի իրականացման համար օգտագործել վարկային միջոցների մի մասը կամ դրամաշնորհային միջոցները, որոնք կառավարվում են Վերակառուցման և զարգացման եվրոպական բանկի («Բանկ») կողմից:
Ֆինանսավորման լրացուցիչ մանրամասները հետևյալն են.
- վարկ`Վերակառուցման և զարգացման եվրոպական բանկի (Բանկ) կողմից,
- դրամաշնորհ՝ կառավարվող Բանկի կողմից,
- Պատվիրատուի սեփական միջոցները, որոնք կօգտագործվեն վերոնշյալ ծրագրի իրականացման համար:
Ծրագիրը կֆինանսավորվի ՎԶԵԲ-ի վարկով, ՎԶԵԲ-ի կողմից կառավարվող դրամաշնորհով և պատվիրատուի համաֆինանսավորմամբ՝ տեղական անուղղակի հարկերի համար:
Առաջարկվող ծրագիրը, որի ընդհանուր արժեքը կազմում է 120,000,000.00 եվրո, կպահանջի հետևյալ գնումների իրականացումը.
- Երևանի քաղաքապետարանը մտադիր է վերակազմակերպել հանրային տրանսպորտի ցանցը, ձեռք բերել ավտոբուսների և/կամ տրոլեյբուսների նոր շարժակազմ, ինչպես նաև մշակել և տեղադրել միասնական տոմսային համակարգ:
- Նախատեսվում է ունենալ 42 ավտոբուսի/տրոլեյբուսի երթուղի
- Ծրագիրը ներառում է տարբեր չափերի ավտոբուսների (18 մ, 12 մ, 7,5-8,5 մ) գնում, ինչպես նաև տրոլեյբուսների գնում, ինչը ենթակա է հաստատման` հիմնվելով պատշաճ ուսումնասիրության վրա:
- Բացի այդ, ծրագիրը նախատեսում է հասարակական տրանսպորտի գործարկման համար անհրաժեշտ ենթակառուցվածքների (ավտոբուսների կանգառներ, կառավարման կենտրոն, հավաքատեղիներ և այլն) կառուցում / վերակառուցում, ինչպես նաև տոմսային միասնական համակարգի և ավտոբուսի ժամանման էլեկտրոնային ցուցատախտակների գնում և տեղադրում:
- Քաղաքը մտադիր է նաև ունենալ ծառայությունների մատուցման բաղադրիչ՝ տեխնիկական օժանդակության իրականացման, տեխնիկական վերանայման և կարողությունների զարգացման համար:
Վերոնշյալ պայմանագրերի համար մրցույթն ակնկալվում է սկսել մինչև 2020թ-ի ապրիլի 20-ը:
Մրցույթի մանրամասներին կարող եք ծանոթանալ այստեղ: