Շնաձկների բնորոշ հատկանիշներից են երկարուկ ու ձիգ մարմնի տորպեդանման ձևը, պոչային հետերոցերկալ մեծ լողաթևը, մեծ քանակությամբ սրածայր ատամների առակայությունը զույգ ծնոտներին։
Ներկայումս հայտնի է շնաձկների 450 տեսակ՝ 17 սմ երկարություն ունեցող Etmopterus perryi տեսակից մինչև 20 մետրանոց կետային շնաձուկը (որն աշխարհի ամենամեծ ձուկն է)։ Այս ենթակարգի տեսակները տարածված են ծովերում և օվկիանոսներում։ Չնայած շնաձկների մեծամասնությունը բնակվում է աղի ջրերում, որոշ տեսակներ հարմարվել են քաղցրահսմ ջրում ապրելուն։
Շնաձկների մեջ գերակշռում են գիշատիչները, սակայն 3 տեսակ, այդ թվում կետային շնաձուկը, սնվում են փոքր ձկներով և պլանկտոնով։ Շնաձկների ամենահին ներկայացուցիչները գոյություն են ունեցել դեռևս 420-450 միլիոն տարի առաջ
