«Լուսավոր Հայաստանի» դեմ «սեւ» փիարը եւ ռեսուրսների տարբերությունը թույլ չեն տվել նրան խորհրդարանական ընտրությունների արդյունքներով երկրորդ տեղում հայտնվել: Այսօր՝ դեկտեմբերի 10-ին, ասուլիսի ժամանակ այս մասին հայտարարեց կուսակցության ղեկավար Էդմոն Մարուքյանը՝ ամփոփելով ընտրությունների արդյունքները:
Մարուքյանի խոսքով, որոշ քաղաքական ուժերի կողմից «սեւ» քարոզարշավը այնուամենայնիվ իր դերն ունեցավ:
«Երբ մարդուն անընդհատ նույն բանն են ասում, անգամ, եթե դա սուտ է, նա սկսում է հավատալ դրան: Մեր դեմ հենց նման տեխնոլոգիա է կիրառվել», — ասաց կուսակցության ղեկավարը:
Մարուքյանը հավելեց, որ երկրորդ կարեւոր գործոնը, որ նրանք միայն երրորդ տեղում են հայտնվել, ռեսուրսներն են:
«Մեր կուսակցության եւ «Բարգավաճ Հայաստան» կուսակցության ռեսուրսներն անհամեմատելի են: Սա խոսում է այն մասին, որ Հայաստանում պահպանվող բիզնեսի եւ քաղաքականության միաձուլումը թույլ չտվեցին մեզ երկրորդ քաղաքական ուժը դառնալ»,- ընդգծեց նա:
Ի պատասխան Գագիկ Ծառուկյանի կողմից սանձազերծված հակաքարոզչությանը
Posted by Edmon Marukyan on Sunday, December 16, 2018
