Այսօր Քարվաճառում տեղի է ունեցել զինծառայողներին բնակարանների հանձնման արարողություն, որին մասնակցել է վարչապետ Նիկոլ Փաշինյանը, ՊՆ ղեկավար Դավիթ Տոնոյանը, Հայոց բանակի հրամանատարական կազմի ներկայացուցիչներ, զինծառայողներ:
Շահագործման է հանձնվել նախարարության միջոցներով հիմնանորոգված շենք: 32 զինծառայողների ընտանիքներ տոնել են բնակարանամուտը: Shantnews.am-ի հետ զրույցում նրանք պատմել են, որ վաղուց են սպասել այս օրվան, ի վերջո իրականություն է դարձել նրանց երազանքը:
Նրանցից ոմանք ստացել են մեկ, մյուսները` երկու սենյականոց բնակարաններ, այնինչ, ընտանիքները մեծամասամբ բազմազավակ են, կարծիք են հայտնել, որ լավ կլիներ` ավելի մեծ բնակարաններ հատկացվեին: Նրանք նաև իրենց շնորհավորանքներն են հղել հայ ժողովրդին Հայկական զինված ուժերի կազմավորման առիթով:
Նյութի աղբյուր՝ shantnews.am
