Տե՛ր Հիսուս, հույս դնելով Քո անսպառ բարության վրա ես գալիս եմ ինչպես հիվանդ՝ իր Փրկչի մոտ, ինչպես քաղցած ու ծարավ՝ Կյանքի աղբյուրին, ինչպես աղքատ՝ Երկնային թագավորին, ինչպես արարած՝ իր Արարչին: ինչ եմ ես, որ մոտենում եմ Քեզ և ինչպես Դու, որ հաճում ես խոնարհվել դեպի ինձ՝ ինձ համար հաց և հոգևոր փրկություն դառնալու:
Հոգիս բորբոքվում է Սուրբ Մարմինդ ընդունելու ցանկությամբ: Սիրտս ծարավ է Սուրբ Սրտիդ հետ միանալու: Ինչպես կարելի է ճանաչել Քեզ և չսիրել, Տե՛ր, ինչպես կարելի է սիրել ու չմիանալ Քեզ հետ:
Արթնացրու ինձ, Տե՛ր, թմրությունիցս, որ հոգով ճաշակեմ քաղցրությունդ: Լուսավորիր աչքս, որ լավ տեսնեմ այս Մեծ Խորհուրդը: Ամրացռու ինձ, որ չտատանվեմ հավատիս մեջ: Մեղավոր եմ, Տե՛ր, առաջին մեղավորը աշխարհիս վրա, բայց էլ չեմ ուզում մեղավոր մնալ:
Հավատում եմ Քեզ, Տե՛ր, օգնիր անհավատությանս: Չեմ փոխի Քեզ ոչ մի գնով: Միայն օգնի՛ր ինձ, որ անդատապարտ հաղորդվեմ Քո Սուրբ Խորհրդին: Լուսավորիր սիրտս, ուղղիր կյանքս, սանձիր կրքերս և օգնիր կատարել միայն Քո կամքը: ԱՄԵՆ։