«Մենք նախկին գումարման Ազգային ժողովում էլ ենք եղել ու երբ մեր գործընկեր Սուրեն Գրիգորյանը այստեղից խոսում էր, ես ուզում էի ասել` պարո՛ն Աշոտյան, «պարիկով» եկել եք այստեղ, որ ինչ անեք։ Այս մասին այսօր՝ հունվարի 21-ին, ԱԺ-ում Բանկային գաղտնիքի մասին» ՀՀ օրենքում փոփոխություն կատարելու մասին որոշման նախագծի քննարկման ժամանակ նշեց «Լուսավոր Հայաստան» խմբակցության պատգամավոր Գեւորգ Գորգիսյանը:
Հիշեցնենք, որ այսօր խորհրդարանում Քրեական ենթամշակույթի կրողներին քրեական պատասխանատվության կանչելու մասին օրինագծի քննարկման ժամանակ պատգամավոր Արման Բաբաջանյանին զայրացրել էր «Բարգավաճ Հայաստան» կուսակցության պատգամավոր Գեւորգ Պետրոսյանի ելույթը։
Նա, մասնավորապես, «Բարգավաճ Հայաստան» կուսակցության անդամներին կոչ է արել ներողություն խնդրել իրենց գործընկերոջ պահվածքի համար։ Դրանից հետո Արման Բաբաջանյանի եւ «Բարգավաճ Հայաստանի» պատգամավորների միջեւ վեճ է բռնկվել։ Արդյունքում՝ խորհրդարանի նախագահ Արարատ Միրզոյանը «Բարգավաճ Հայաստան» խմբակցության չորս պատգամավորի զրկեց նիստերի դահլիճում գտնվելու իրավունքից այսօրվա նիստի ողջ ընթացքում։
