Թուրքիայի նախագահ Ռեջեփ Թայիփ Էրդողանը շփոթմունքի մեջ է ընկել Բեռլին ժամանելիս, որտեղ մասնակցել է Լիբիայի հարցով համաժողովին:
Ինչպես հայտնում է Life.ru-ն, թուրք առաջնորդը պատահաբար ցույց է տվել, որ Գերմանիայի դաշնային կանցլերի նստավայր այցելելու ճանապարհին չի մտածել գալիք բանակցությունների և քաղաքական հարցերի կարգավորման մասին, այլ պարզապես ֆուտբոլ է դիտել` իր մեքենայի դիմացի նստատեղին ամրացված էկրանով:
Այնուհետև իջնելով մեքենայից՝ Էրդողանն ուղղվել է դռան մոտ կանգնած կանցլեր Անգելա Մերկելին և ՄԱԿ-ի գլխավոր քարտուղար Անտոնիու Գուտերիշին ընդառաջ: Ձեռքսեղմումից հետո միայն թուրք առաջնորդը նոր գիտակցել է, որ չի հանել վերարկուն: Նա հասցրել է հանել այն նախքան լուսանկարվելը:
